الثلاثاء، 20 مايو، 2008

لماذا يقول الدكتور نظيف الشئ ونقيضه دائما؟

وأضاف ان مصر حكومة وشعبا وقيادة حريصة علي الاندماج في الاقتصاد العالمي وان السياسة الزراعية في مصر علي رأس أولويات مجلس الوزراء وردا علي سؤال حول قضايا العدالة الاجتماعية وادارة الحكومة لها أجاب نظيف ان الطعام يمثل‏60%‏ من انفاق الاسرة المصرية وان الدولة قدمت دعما قدره‏40‏ مليار جنيه في اطار مواجهة الدولة لارتفاع اسعار الغذاء بالاضافة الي زيادة‏30%‏ للاجور وزيادة دعم السلع التموينية لنحو‏60%‏ من الاسر المصرية‏.‏
هذا مثال جيد، الاندماج فى الاقتصاد العالمى فى مجتمع يمثل فيه الانفاق على أهم السلع الأساسية وهى الطعام 60 % من دخل الأسرة ماذا يعنى. يعنى التعرض لأزمات اقتصادية متلاحقة وترك الغلابة فى الطل يواجهونها ونبرر عجزنا الحكومى عن توفير الاحتياجات الاساسية للخلق بالقول فيه أزمة عالمية نعمل إيه (خذ أزمة طوابير الخبز نموذجا وشوف تصريحات الاريس حول أسبابها) طب لما أنتو مش قد الاقتصاد العالمى وتقلباته واقتصادنا ضعيف ومحتاج حماية حتى يستقيم ويتعافى لماذا الاتعجل فى الاندماج. طب نندمج ليه وما هى فوايد الاندماج. هانصدر أكتر لأمريكا، مفيش حرية فى ده أمريكا بتستورد بالحصص وعندها اجراءات حمائية وعوائق لحرية التصدير تحتاج مننا اتفاق حرية تجارة فاكرينه أيوه اللى اتلغى بسبب حبس أيمن نور أو هكذا تعللو (قلبى معاك يا أيمن) الاندماج هايدينا فرص أكبر لجذب الاستثمارات ما أظنش بدليل اننا من أقل الدول العربية دلوقتى جذبا للاستثمار ولا الحقيقة غير كده. وكمان نظام إدارة الحكومة عندنا قايم على الامحاسيب والاحتكارات يعنى الفوايد بتعم على قله قليله لو حتى موجوده الفوايد دى. الاندماج يعنى ايه. يعنى إيه يا دكتور نظيف نوقع على كل الاتفاقيات التى تجعل سوقنا مستباحا واحتكارتكو شغاله على ودنه واستثمارتكم تترعرع والشعب يدفع من جيبه ومن ثروته ومن عرقه. الالتزام بالاندماج فى الاقتصاد العالمى التزام مين الشعب ولا انتو. طب عملتم حوار حوالين الالتزام ه. انا نفسى ما ادعتش.
قوللنا بقى مين عمل ده.

هناك تعليق واحد:

الشريف / جمال طة يقول...

لأنه بيقول الكلام قبل مايستحمى وبعد مايستحمى بيكون وقع منه


http://gamal51.blogspot.com